(  داستان طنز گیلکی۵)

(پیلدانه مرغ گرویی)

قسمت اول

حتما" شمانم-چانکش دانید -کی عی سا؟!چانکش همون

 گیله مردروستایی زحمت کشه کی دوتا-زنبیل بزرگا-

 دردوسر یک چوب بلندتقریبا" دومتری -دبسته -اونه

 وسطا نهه خو-دوش سر-(بصورت تعادلی) ودایم بازار

 به بازار ومحل به محل گردش کونه وخوره باخرید وفروش

 کاسبی کونه...خوزن وبچه رزق وروزیه باتلاش وزحمت

به چنگ آوره...حالا ممکنه-اونه محصول-میوه وتره بار ببه

-یا سیروپیاز-یاحبوبات-یامرغ وحروس وجوجه-اردک وغاز

قدیم چانکش زیادبو-ولی الان باوجودماشین وموتور.

.مثل سابق چانکشی رواج ناره -ولی بازم درو دهاتان

 که هنوز پاک ودست نخورده وبکر بمانسته -پیدابه

آمی داستان هم مربوط به عی تا چانکشه.....؟!

قسمت دوم

چانکشان همه درستکارو زحمت کشند-ولی بلانسبت

 بقیه سیدکاظیم-ازاون چانکشانی بو کی اونه جنس 

ایزه-خورده شیشه داشتی....روزان راه دکفته درودهات

 ومرغ وخروس -هی عی...بعدبوردی شهر گرانتر فروختی

عی روزکی سیدکاظیم-بوشابو بالا محله مرغ وخروس بیهینه-(بخره)

هتو کی دادزه عی-وروستا یا-شاته به شاته(کوچه به کوچه)-دور زه عی-

تا زناک بیچاره -وخان (صدا)بزا-مشتی مشتی-مرغ هینی؟!

سیدکاظیم بوگوفت...پس چی کی هینم!!زناک بیچاره

بوگفت-بلتا اوسان بیا درون صحرا-مرغانا -بیدین

-سیدکاظیمم جه خداخواسته-بلته (درب چوبی-)یا-عی تاعی تا

اوساد-بوشو-وسط حیاط-آغوذ داره-زیر -اطراق بوکود

سیدکااظیم زناکا-واپرسی-تی مردخانه نی عسه؟!

زناک بوگوفت می مردا-چیکارداری-خودم الان مرغانا

-گیرم آورم...هنوزیکربع نگذشتابو-کی زناک ده تامرغا-

بی گیفت-اوشانه پایا-دوتادوتا -باویریس-(طنابی که با کاه میبافند)

دبست-بنه سیدکاظیم -زبیل کنار-بوگوفت-مشتی اشانه

 قیمتابوگو!!سیدکاظیم بوگوفت-ا-نه تامرغ ۸۰۰تومان-عی تا

پیله مرغ هم۲۰۰تومن-جمعا"-به هزارتومان-مار..

خوبه-راضی عی سی-بسم الله..............؟۱

زناک بوگوفت-نه خیلی کمه-اون-هشتامرغ-هزارتومن

مرغ بزرگ وتخم کن-هم پونصدتومن.......؟!سیدبی

 چون وچرا بوگوفت -قبوله مار-ولی بیک شرط- مرا  پول

 همرا نیه -یعنی کاسبی نوکودامه-اگر اشکال ناره-فردا

تره هزاروپونصدتومن آورم--اعتبارکونی یانه؟!

زناک بوگوفت-تی سبزه شاله جا معلومه-کی

 سیدی-تی احترام به جایه...سروجانم فدای سادات

ولی می مردانه-سفارش بوکوده کی نسیه فادان نمایا

سید رنگ هتو بوبو مثل گچ-زناک بوگوفت-اگر خودش

خانه عی سابو-عیبی ناشتی-برار-ترسم بایه  می آمرا

دعوا بوکونه-ولی بازم-اگر تو-عی چی-گرو بنهی عیبی ناره

بوبور....سید ایزه فکر بوکودودستی به خو ریش جوگندمی

 بکشی وپوگوفت-راست گویی مار-حق باتویه!!

من چیزی نارم گرو بنهم-کی ارزشمند بوبوهه-ها پیلا مرغه

۵۰۰تومانی نهم تی ورجه گرو-هزارتومان کی باوردام

می پیلامرغ بورم-...زناک بیچاره اصلا" به سر دی نی بو-

کی اون چی بوگفتا...سواد-مواد-هم کی ناشته...

سیدکی اصلا" یک قران پول فاندابو؟!اما کمی عاقلانه

 فکر بوکودالبته بفکر خودش-واگردست سیدا-بوگفت

هزار وپونصدتومن واباوری-نه هزار تومن.....سیدکلاش بو-

بوگفت خدابیامرزه تی پیرا....حق باتویه.....ولی من

 ۸تامرغ بورم-پیله مرغا نهم گرو--خاخور-ترا بخدا-می امانتی

خیانت نوبوهه-مواظب بوبو-سگ وشاهال(شغال) می مرغ گرویی یا

نوخوره...هتو کی تو-رودربایستی وتعارف ناری-منم -مثل

خودتان رفتارکونم-اگر موازسر-پیلامرغ کما-به-دیناری ترا-فاندم

هیچ-خسارتم فاگیرم-بگم بعدنگی چیره-نوگوفتی؟!

زناک بیچاره ساده دیل بوگوفت-تی خیال جمع ببه-آبرار

مرا ببخش-دور وزمانه خرابه-چشم چشما-اعتبار-نوکونه-

سیدی وسادات -تی احترام بجایه-به دیل نیگیری-من

مجبور-بوم گرویی فاگیرم-آخی می آقا-کی ترا نشناسه

منم هاجور......سید قیافه حق به جانب بیگفت وخورا

تلخ وزرخ نشان بدا-بوگوفت عیب ناره مارجان-تقصیر

 منه-هرکس وناکسه مالا هینم-عیب ناره-ولی من کرا شم-

د-تکرار نوکونم-جان تو وجان می امانتی.......سید هنا

بوگوفت وچانچو وسزا-بنه خو دوش سر وراه دکفت...بوشو

زناک بیچاره-اونه دنبالا بوشو-بلتا-دبست-بلندبلند-دوخاد

مشتی-سیدبرار-مرا ببخش-چاره ناشتیمی-تره برنوخوره؟۱

سید خوپایا-تنداگیفت وخوپشت سرا-نیگا نوکود-د-بقیه آبادی

 دور نزا-ازروستا بوشو بیرون..................................؟!

زناک هم بیچاره تا اون مردبامو خانه-هزار بار خودیله

میان بوگوفت خدایا-مرا ببخش -سیدا ناراحتا کودام-چاره

ناشتیمی-می آقا سفارشه واسی بو....

**********

قسمت سوم

دم دمای ظهر بو

کی آقاگول بامو خانه-فارستی(رسید) ایوان سر-وخان بزا-کبری

اوی کبری-صحرا چیره خلوته---؟!کبری بوگوفت-مرغانا

بوفروختام-؟!هزار وپونصدتومان--آقا گول بوگوفت آفرین

آفرین-هزار وپونصدتومان.....چقدرخوب-بازار بفروختی؟۱

زناک بوگوفت نا مرداک-شانس خوپا مرا -بامو-آمی صحرا تان

آقاگول بوگوفت-بوشو اونه پولا باور من شماره بوکونم

تی سرکلاه-نوشابه؟!زناک بوگوفت-آهان...مرغانا-

بفروختام-بیچاره پول ناشتی-فردا-آوره-گل آقا رنگ

بوبو عینه-زردچوبه...؟!فرداچیره-؟!زناک بوگوفت اونا پول

 همرا نوبو-منم رودربایسی بنام کنار-بوگفتام باید

 عی چی گرو بنهی!!اونم-پیلدانه مرغا-بنا-گرو-گل آقا

 خواستی عی چی بوگویه-کی کبری مهلت ندا-بوگوفت

سیدچانکش بو-گل آقا خیالت راحتا بو-بوگوفت سید بو-

مطمینی؟!کبری بوگوفت-اهان-سبزشال اونه گردن دوبو-

عی تاچهره-نورانی داشتی -د-وانپروس(نپرس)....؟!رشتی بو

گل آقا بوگوفت-تو می دیلا بترکانی-سیدبو-زودتر بوگو-د-

سید بوآوره-حتما" آوره-کاش اونا-گرویی هم فانگیفتابی؟!

کبری بوگوفت چی بوکونم-تو سفارش نوکودابی؟!

آقاگول بوگوفت چیره-چیره-ولی فکر سیدا نوکودابوم

بعدخو-دیما-به طرف آسمان بوکود-بوگوفت خدایا-

آمی ره گناه گیفتا-نما...می زنانه ایزه ساده یه....!!

بعدکبرایا- بوگوفت خیلی مواظب بوبو-بیچاره-سیده

امانت خیانت نوبوهه-شرمنده ببیم -کبری یم با رضایت و

اعتمادبه نفس تمام بوگوفت ای ب...چشم-تی خیال راحت ببه

***********************

(قسمت چهارم) 

سه ماه تمام ازاون ماجرا ردابوست-سیده سروکله

پیدا نوبو-کی نوبو...؟!آقاگول وکبری خون کرا خشکا بوسته

سیده امانت واسی...نانستید-پیلا مرغا چی بوکوندا...

کبری عی روز-آقاگولا بوگوفت -بیا بوشو-رشت -پیر بازار

بی دین-یک سر وسوراخی از سید تانی پیدا بوکونی یا-نه؟!

اگر اونا بیافتی بگو-برار بیا تی امانتا بوبورا-آمان دنتانیما

بیش ازاین امانت داری کودانا-اگر تی مرغا-عی چی ببه-

یافردا پاییزه-اونه کونه خشکی(یبوست-خشکی مزاج)-

بیگیره-تلف ببه-به آمان مربوط نیا؟!

گل آقا بوگوفت زناک حق با تویه-یا سر یا کولاه؟!

من کرا شوم رشت-گردم اونه دنبالا-بعداظهر واگردم

گل آقا خورا فارسانی(رسانید) جاده آسفالته سر-با اولین مینی بوس

کی ازراه فارسی-سوارا بو-یاعلی بطرف رشت-انقدر

 کی فکر عی جور-دوجوری (پریشان)اونه مغز-درون-دوبو-نفهمست

نیم ساعت راه-کی تماما بوستا....؟!کمک راننده اونا-

نهیب بزا-مشتی تی کرایا-فادن-دانای علی یه!!

گل آقا کرایا فادا-پیادا بو-نم نم خوره موری یا-گیفت-

فارسی-دهانه سام-بوشو-میرزا آقا -دکان بقالی-

همیشه میرزا آقا ورجه-خانه سبدا-کودی -بعدازسلام علیک

وچاخاسان واخسان(احوال پرسی)....؟!میرزا قا-واگردست اونا بوگوفت

-چیه-آقاگول -خیلی ملولی-؟!تی کشتی غرقا بوسته؟!

آقا گول سیر تا پیاز ماجرایه-سیده چانکشا-اونه ره تعریف

بوکود-میرزاقا-هاتو کی مشتری یانا-راه تاوادی-اونه

 گبانه یم گوش ده..گاهی گلفم-.اگردسته طرف اون با تعجب

اونا نگاه کوده.....وقتی آقاگول گب تماما-بو...میرزاقا-بوگوفت

عسا-تو ناراحته تی هشتا مرغه-پولی یا-اونه امانتی؟!

آقا گول بوگوفت-هردوتا-هردوتا-جانه تو نگم-جانه می زاکان

پاک کلافه یم-ترایم بدهیکارم-الانم-خوایم تسیه بوبورم-مرا

رونایه---میرزا زرنگ بو-ازاون خرپولان رشت-کی مار بوخوردابو

افعی بوبابو...ولی با انهمه-بازم گیله مردان کشاورزه ره

زرنگی ناشته-بگذریم کی اوشانه چیک چی-(لوازم )نسیه فاده

قیمت خوآقاجان-حساب کوده-ولی بازم گیله مردان کشاورز

اونا دوست داشتید...چون کار راه انداز بو-وصبرشم-زیاد

بهار نسیه فاده-پاییز پولا فاگیفته...؟۱

آقاگول دکرا به گریه آمویی-میرزا بوگوفت-ناراحت

 نوا بوعان-تو از تی زن-بی عقل تری-اونم ازتو.....؟!

آخه هیچ عاقلی مگر اجور کار انجام دهه-پیلا مرغا بنه یا

گرو-یعنی چی....؟مگر مرغان همه تی شین نوبو-؟!

آقاگول بوگوفت چیره!!میرزاقا بوگوفت-مگر اون یک

قران تی زنانه یا-پول فاده؟! آقاگول  بوگوفت نه؟!

میرزاقا بوگوفت-شمان چقدر دادولید-آخه....؟!

د-می خون به جوش بامو...تو هایا بیس-دکانا مواظب بوبو

من الان اونا-پیدا-کونم تره آورم-اونه پیرا سوجانم-دهاتی

دادول تی مانستن-د-پیدا نبه....؟۱

میرزاقا-بوشو-چنددقیقه بعداونه-پیلا پسر بامو-دکان-جواب

مشتری یانه بده هه....نشان به او نشان یک -ساعت تمام طول

بکشی-تامیرزاقا بامو.......آقاگول تا اونا بیدی-ازجا بجست

واپرسی-چی بو بیافتی؟!میرزاقا-دوازده تا صد تومانی -یا عی

 تا عی تا شماره بوکود-تاوده اقاگول مشته درون-بوگوفت بیا

انم تی پول-آقاگول دیم بوبو-عینه انار شهوار-اونه دوتا جول

 گول تاوده.....؟-کش بوکودمیرزاقایا-ادیم اودیم ماچ...

الهی تره بمیرم-خدا-تی زاکانا-تره بداره-الهی مکه بوشایی

ده باردیگر بشی....؟!بعدواگردس(برگشت) بوگوفت-هزار تومان

 آمان سیدا طلبکار-بیم-چیره -عا پولان-هزارودویست تومنه؟۱

میرزاقا-بوگوفت-دویست تومن اونا-جریمه بوکودام-تی پوله

 دیر-کرد-نانی چی بلایی اونه سر باوردامه-اونه آبرویا-مرغ

فروشانه ور-بوبوردام خواستیمه -اونا تحویل کلانتری بدم-

گریه بوکود-اونه همکاران ریش گرو بناد-می دیل بسوخت-

آقاگول بوگوفت تو مرا شرمنده بوکودی بخدا-چتو وا تره

جبران بوکونم؟۱-میرزاقا بوگوفت-جبران لازیم نیه-هفتصد

 تومان تی بدهی یا-فادن-هرچی یم لازیم داری -بوگو-تره-

بکش واکش بوکونم-سبدا کی بوکودی بوشو-روستا-کی

 ترا دیرا نوبوهه-گل آقا بوگوفت باشد به چشب...ولی

جان تی زاک-تی خانما-اوسان با زاکان-جمعه ناهار بیا

 روستا-آمی ور...میرزاقا-بوگفت-کرچه خنده بوکود-بوگوفت

آیم-به یک شرط؟!گل آقا بوگوفت-چی شرطی-نگفتا-قبوله؟!

میرزاقا-بوگوفت آیم بشرطی کی -سیدپیلا مرغه-امانتی یا

آمی ره سروابینی(سرش راببری)..تورشه کباب چاکونی....هاهاها......؟!

البته بشرطی کی د-ازتخم دکفته --آقاگول بوگوفت بیمیرم-تره

اون د-مارغانه نوکونه-میرزاقا-کرچه خنده مرا-اونا واپرسی

پیلدانه مرغ کی شینه؟!آقا گول بوگوفت شیمی شین..

.نه سیده چانکشه شین...میرزاقا قاه قاه خنده کودی

-طوری که اونه چوما-آرسو-فوبوسته(اشک میریخت)-غش غش کوده

 وگوفته-چان کش برپدر-تو لعنت --تو مرغ هینی-مرغ؟ْ!

گول آقا-تی ره بمیرم توچقدر-ساده دیلی-آخه-تقصیر ناری

تی دست ودیل پاکه-شیمی عقیده صافه-بخدا شوما-جا

 بهشته دله (وسط)یه/////////

*****************

دردست ویرایش ودوبله بفارسی

پایان 

(داستان ۴)

(عمووالزایمر)

(قسمت اول)

خدابیامرزه شمه امواتا-می عمو خدابیامرز-که درهشتادسالگی

 فوت بوکود-در10سال ازاواخرعمرشا-گرفتار بیماری الزایمر

–یا به لهجه خودمان فراموشکاری – بوابو-اوایل –عارضه اش

 خفیف بو-ولی کم کم بحدی مزمن بوباستابو-کی خوزاک وزوکایم

–نشناخته......تا اینکی به همان درد از دنیا بوشو...........؟!

ناگفته نمانه کی می عمو خدابیامرز مثل همه گیله مردان

 زحمت کش بو-وبعلت کار وتلاش مستمرهفتاد ساله—

اونه هیکل ماشاالله قورقوشما مانستی...واستخوانش از

 آهن وپولاد بو...فردی که هفتادسال کشاورزی بوکودابو

-وازهمان راه شالیکاری وپرورش کرم ابریشم-وتوتونکاری

-خرج ومخارج سنگین 12نفر خوعایله یا –تامین بوکودابو-

خدابیامرز-دوتا پسر داشتی-10فرزند بعدی همه دختر بود

-حالا شومان فکرشا بوکونید10تادختر وهزینه تحصیل و

رخت ولباس وارا گیرا دیگرسر به خداتومن زنه کاری ناریم

–شومه سرا بیخود بدرد ناورم-بوشم سر اصل ماجرا کی

خیلی هم شیرینه-؟1می عمو خدابیامرز-از سن 60سالگی

 به بعد –گرفتار یک سردرد مزمنی بو کی گاهگداری اونا

 از پا تاوادایی..می آقاجان خدابیامرز کی ازاون کوچکتر بو

-میره تعریف بوکود کی-سردرد عموجان –مربوط به روز

عروسی منه- یعنی روز عروسی می آقاجان-دعوا راه دکفه

-ودربین دعوا –عی نفر باچماق محکم زنه می عموجانه

سرا-کی از طرفان اصلی درگیری بو---آنموقع چون جوان

ونیرومند بو-اونا چیزی حالی نبه-ولی وقتی پا به سن نهه

 کم کم –اون ضربه –عموره اوانگاره گیره......

.اوایل می عمو هرموضوعی را –خیلی زود-جحطرا ده-

مثلا می زن عمو اونا-سفارش کودی از بازار چی بیهینه

-چی نیهینه-اون سهو کودی واشتباهی سبدا کودی-کی

اکثرا" با هم مشکل داشتید-غافل از اینکی-اصلا-دست خودش

 نیا...بعداز60سالگی –کم کم آدرسی را که قبلا" چندین بار

بوشابو-نتانستی پیدا بوکونه-کم کم راه خوخانه یا گوما کودی

 –وسرانجام کار به جایی فارسی کی خو زاکانا-نشناختی

-البته می دوا پسرعمو تهران کارمند بودواونا پیش بهترین

دکتران تهران بوبوردابود ولی معالجات موثر واقع نوبابو....

 تا اینکی خلاصه بیچاره خانه نشین بوبو-واونا –اجازه ندایید

 از خانه بوشو بیرون-مبادا کی زیر ماشین بوشو ویا سراز

 محل دیگری درباورا-کلا اونه حواس مختل بوبابو....

عی روز من ومی پیلا برار راه دفتیم بیشیم آمی عمو خانه تا

ازاون ملاقاتی بعمل باوریم-ازقضا می دوتا عمو پسران هم

ازتهران باموبیدخوشانه پیره ملاقات.....وقتی کل اعضای

 خانواده ازاون  پسران ودختران- عموجانا دورا کودابیم

-هرکس سوالی از اون واپرسی-تااونه استعدادا بسنجه-

اما بیچاره –هیچکدام از خوزاکانا نشتاختی تاچی برسه

 به من ومی برار بزرگ کی اونه برار زا بیم...........؟!

من بیشناوستابوم کی استعمال حشیش باعث مختل شدن مغز

 بوهه یا...ناگهان عی تا فکر بکری مثل برق از ذهن من ردا

 بوست-با خوشحالی بوگفتام –من تانم عمویا معالجه کودان

-همه از جا بجستاد-می دوتا پسر عمو بوگفتاد شوخی کونی یا-

حقیقت گی؟!بوگفتام نه بخدا –علاج واقعی سراغ دارم-ناگفته

 نمانه کی من چندسال پیش می پسرعمویه-دردا تشخیص

بدابوم-کی دکتران تهران نتانستابود-تشخیص بدهد..

.عی روز کی اون با زن وبچه آمی خانه مهمان بو-متوجه

 بوبوستام-هرده دقیقه به ده دقیقه عی تا پارچه آب سرد

واخوره-واون لب کنار هم سفیده بزابو.—پسرعمیا سوال

 بوکودام تو مرض قند-یا دیابت ناری؟!ناراحتا بوست-بوگوفتام

 تی مریضی خیلی به دیابت شبیهه-اون زیر بار نوشو-چون

دکتر زیاد بوشابو وهیچکدام چنین چیزی تشخیص ندابود

-وقتی ویشتر درباره مریضی ازاون سوال جواب بوکودام-

متوجه بوبوستام-عرض یکی دویال نزدیک سی کیلو وزن

کما کوده-از هشتاو پنج کیلو -55-60کیلو فارسه-واون

سر موهم شدیدا" فوبوستابو-من اونه ره قسم بوخوردام کی

 تو مرض دیابت داری-وقتی می پسر عمو شه تهران –

خوپزشک معالجا-درجریان نهه وبعداز آزمایشات لازم دکتر

می گفته یا تایید کونه---می پسرعموکلی دکترمرا-دعوا کونه

-کی چیره عی تا آدم معمولی تشخیص بده یا-وتوتابحال نتانستی

 شا-تشخیص بدهی یا-------؟!

بخاطر همین ماجرا وقتی من ماجرای معالجه عمویا مطرح

 بوکودام-اولین کسی کی می لبلا –بیگیفت ومرا تایید بوکود

-هون بو-می پسر عموی دومی بو و50سال سن داشتی اما

-چون اونه سواد از برادر بزرگ ویشتر بو درخانواده

–همیشه حرف اولا   زه ایی !!وقتی احمدآقا مرا تایید بوکود

-محمود آقا اونه پیلا برار-و می پیلا برار-سیروس-دنباله یا

 می پیشنهادا-بیگیفتاد وازمن سوال بوکوداد-چه جوری

 –تانی عمویا معالجه بوکونی یا-اگر معالجه نوبویا چی؟!

من بوگوفتام نوبو کی نوبو-ازاین بدترا کی نبه –اگر معالجه

بوکودام چی؟!می پسرعموی بزرگ ومی پیلا برار بوگوفتاد

اگر تو عمویا معالجه بوکونی یا-100هزار اومان ترا پاداش

 فاده هیما-می پسر عموی دوم هم بوگوفت -50هزار هم من

 ترا فادما-؟!خلاصه شرط وشروط تعیین بوکودیم-کی من معالجه

یا شروع بوکونم-اگرعمو جان خوزاکانا-بترتیب بشناسه-

من شرطا بوبورداما-؟!چون واقعا" –هیچکسا نشناخته....؟!

من بوگوفتام شومان هیا بی سید من الان واگردم-پسرعمو

 ماشینا اوسادم ازخانه بوشام بیرون-یکراست بوشام-گداعلی

 شان-خانه-اتفاقا" گداعلی با خوبرار کوچکترمحمد کی هردو

سنتوروضرب  زه یید- وباصلاح درعروسی سرا-مطربی کودید

-هردوتا خانه عی سابود-گداعلی ورجه مقداری شاه دانه یا

حشیش فاگیفتام واگردستام–می عمو خانه-زاکان همه می منظر

 بود-بعدازاینکی بوشام ایوان سر بینیشتام-می برار ورجه عی

تا سیگار وینستون فاگیفتام اونه توتونا-حسابی خالیا کودام

-ومقداری توتون وگردحشیش قاطی بوکودام-فادام می عمو دست

–کی سالها سیگاری بو؟1همه مرا دمغ بوکوداد-کی استعمال

 حشیش گنایا-بوگوفتام اقایان چیره متوجه نعیید-اگر برای

معالجه بوبوهه-حرام نیه-یکی دوباره ویشتر کی ناخوایه بکشه

می پسر عمویان –با می پیلا برار بوگوفتاد-ا-چی کاری عیسه

عا چه جور مداوایا-؟!بوگوفتام شومان هیچی گب نزنید فقط تماشا

 بوکونید کی من چطو عمویا معالجه کونما-؟!بعد می راه کارا

-اوشانه توضیح بدام –کی عمو مغز دور بزه یا-وقتی حشیش

 بکشه عی تا دور دیگر زنه-دواره واگرده خوجاسر...همه باور

 بوکوداد ومنتظر نتیجه لحظه شماری ......؟

************

(قسمت دوم)

سیگارا روشنا کودام فادام دست عمو-اونم شروع به کشیدن بوکود

-با ادا واشارهاونا –حالی بوکودام کی دودا بیرون فاده-وهمه یا

 قورت بدهه-وحسابی خو ریه درون زندانی بوکونه تا هرچه زودتر

 خواثرا بوکونه----همه زاکان می آمرا کمک بوکوداد-تا عمو اون

 عی تا سیگارا همه یا- بکه شی-...بعدخوپوشتا حسابی به پشتی

 لم بدا-ونم نم شروع به خندیدن بوکود-دوسه سال بو-کسی خنده یه

-عمویا نیدابو-حتی می عموزن----؟1وقتی عمو به خنده بامو

-زاکان همه-ورامساد-می عمو زن کی اصلا" سواد ناشتی بوگوفت

 بخدا قسم-تی طب سنتی موثر ببه—همه اعضای خانواده مرا به

 چشم یک بتی نگاه کودید-می پیلا برار بوگوفت چیره تابحال

–فکر ا-معالجه دنکفتی----من با بادغرور-وقیافه حق به جانب

 بوگوفتام –کسی ازمن طلب درمان نوکوده-بعدشومان همه دانیدی

-که سه چهار ساله –خبری از عمو نارم-غربت عی سابوم وبی

 اطلاع...امروزم همه شانسی به تور هم بوخوردیمه....

عمو غش غش خنده کودی ومی حرفانا-باتکان دادن سر وچشم

وابرو تایید کوده-همه ازکوچیک وبزرگ تایید بوکودادکی عمو

 کرا مداوابه یا؟1می پسر عموی دوم بوگوفت الان چی وا

بوکنیم ؟!می پیلا برار وپسر عموی بزرگ بوگفتاد-موقع امتحانه

-باید اونه جا سوال بوکونیم بدینیم –میزان هوشش چقدر بالا

 بوشه یا-من مهلت ندام کس دیگری شروع به سوال جواب و

آزمایش بوکونه-با صدای بلند-ازعمو سوال بوکودام-عموجان

-عموجان مرا شناسی؟! خواستیمه افتخار امتحان نصیب خودم

 بوبوهه؟!!!عموجان بوگوفت-چتو نشناسم-بوگوفتام عموجان

من کی عی سم؟!عموجان درحالی کی غش غش خنده کوده

-مرا بوگوفت-تو ترا بگیر باوردایی-یا مرا دست تاودایی-؟!

چتو من ترا نشناسم-بی تربیت خرکی نی ام؟!من خجالت به کشام

-می پسرعمیان بوگوفتاد-عیبی ناره –تو تی سوالا دواره-تکرار

بوکون-اگر ترا بشناسه-کی4- 5سال-نیده =بخدا قسم همه آمرا

 ده-شناسه-وتو شرطا بوبوردایی-امان باید از تو ممنون بوبوهیم

-من با شکسته نفسی بوگوفتام-آقاجان –چی حرفی شوما ن زنید

-خدارا شکر کی خوب ببه-من می وظیفه یا انجام بدامه-عمو سر

من حق پدری داره-خیلی بمن محبت بوکوده-من اونه دس وبال

 درون پیلا بوستامه؟!

به اصرار بقیه دواره می سوالا ازعمو تکرار بوکودام-عموجان

 مرا شناسی؟!عمو ناراحتا بو-می سر تشر بزا-تو ترا بگیر باور

 دایی چتو ترا نشناسم-مگر به کب من ترا نشناسم-عی تا سوال

 دیگر واپرس!!!! لازمه کی بوگویم-آمان 5تا عمو داشتیمه-

2تا ناتنی-سه تا-تنی –با می آقاجان-چهارتا برار بود-وعی تا

 عمو کی از می آقاجان کوچکتر بو-تقی نام داشتی واونم سه

چهارتا دختر داشتی-بنام-حکیمه- –وزهرا-وصغرا....مریم-

کی حکیمه ازهمه بزرگتر ومریم ازهمه کوچکتر بو.......؟1

وقتی به اصرا ربقیه من می سوال اولا تکرار بوکودام-عمو

بوگو-ده-من کی ام؟! عمو جان با حالت خیلی برزخ بوگوفت تو

 مگر حکیمه  نی عی-تقی پیلا دختر-گاوه لا.......؟!وقتی عمو

 بوگوفت توحکیمه نیی –تقی پیلادختر!!!!-همه ازریز ودرشت

 بزاد زیر خنده.......؟!من کی خرابا کودابوم-بخاطر اینکی کم

 ناورم-می پیلا برارا نشان بدام وبوگوفتام-حکیمه کی انه-من

 مریم عی سم×تقی کوجا-دختر.....عمو خنده خنده مرا-می پیلا

برارا نشان بدا-و بوگوفت-چیره دروغ گویی-اون کی تی عمو زنه؟!

شیمی چشم روز بدا-نیدینه –همه ازخنده غش وضعف باوردابود

-ولی می دیم  ازحجالتی –وبوستابو-سرخ دوین-عینه انار..؟!

می پیلا عمو پسر تشرا-همه زاکانا-خاموش وبی سروصدا بوکود

-اون واگردست مرا بوگوفت-آقاجان ویریز-ویریز-کی تر بزایی.

تو خجالت نکشی –تی عموی بزرگا-مسخره کونی ودست

بازارا-گیفتایی-من ازخجالتی بخاطر اینکه می کارا-بی قصد وغرض

 جلوه بدهم-بوگوفتام –عمو پسر دواره باید امتحان بوکونیم-اون

عی تا نصف سیگار-حشیش دباد بکشه-چون اونه مغز –بجای

یک دور-یک دور ونیم بزه-نصف سیگار پر-د -بکشه-اون مغزنیم

دورا-کی اضافه بزه-واگرده آیه خوجای سابق سر.......؟

طوری من سه بوکودابوم وکم باوردابوم کی د-کرا هذیان گفتیمه/////

می زن عمو بوگوفت-اون بی صاحب –چی بو-تی عمویا-بکشانی؟!

-

-اونه نیم ذره عقله باقیمانده یا-هم ذایلا کود- قبل ازاینکی سیگار

بنگ بکشه-لااقل مرا شناختی

–اگر هیچ کسا-دیگرا نشناختی-حالا لاب مرایم د-نشناسه؟!

خلاصه می پسر عمیان خیلی خیلی ازدست من دلخور بوبوستاد

-ومی پیلا برار –چندبار خواسته-باکشیده بزنه –می گوش سرا

-کی می زن عمو واناشت-من می برار ازجا ویریشتیم-امی خاک

وپیکا –بتکاندیم وبدون خداحافظی-بیشم خانه...تو راه می پیلا برارا

-حالی بوکودام کی قصد وغرض –بدی ناشتی مه یا-فقط اشتباه

 محاسبه-داشتیمه یا......

ده روز کی می آقاجانه خانه مهمان بوم-یکی دوبار دیگرم با-

می پیر ومار ومی پیلا برار بیشیم اونه ملاقات-خدابیامرز

-تامراه ده عی-گفتی-حکیمه جان-تی مرده احوال خوب عی سه؟!

وهمه زده زیر خنده-ومن خجالت کشه مه-ولی الان -5ساله کی بمرده

-خدارحمت بوکونه-هنوز معتقدم کی –عی تا نصفه سیگاربنگ دیگرم

 اونا-بکه شانامه-احتمال قوی خوبا بوسته وشرطا بوردمه

پایان

 

 

(داستان گیلکی ۳)

(راهزنی با لافند)

*************

(قسمت اول)

راهزنی با کلت-با تفنگ-سرپور-با دشنه با قمه-چی دانم؟!

 با چاقو-با نیزه واسب-همه چی بیشناوستابید-بجز با-لافند

-دست خالی با لافند(طناب)-لافندخالی!!.هرگز شیمی گوش

نوخورد ابو(نخورده بود)-اما می گوش بوخورده-الان شیمیره

  تعریف کونم=دوست علی-ومیرزالی-دوتا رفیق -تاپ و

تاپ بود-همه فکر کودید-کی باهم برار-عی سدا(هستند)

از شما چی پنهان خلایق همه دانستید-کی اوشان دزد-

ماهردا-همه جور دزدی -از اوشان برآمویی-----؟!

انگار او دوتا -نامرد-رشته کارشناسی ارشد دزدی-طی

بوکودابود-دربهترین کالج های خارج از کشور.................؟!

روده گوسفندا-حسابی پاک کودید-عین لافند بلند-ازداخل

 کوچه خلوت-زواله سران (وسط ظهر تابستان)-پرتا-کودید

-داخل حیاط مردم -که مرغ وخروس -ولوله بو....؟!

هرمرغی کی به حساب خودش از مرغان دیگر زرنگتر بو-

شیرجه شویی-گوسفند روده سر-اونه قاپ زه ایی!!

بخاطر اینکی-خروس مثلا" اون لقمه لذیذا -ازچنگ اون

بیرون ناوره-واونره-کوفتا-نوکونه-روده یا-قورتاده(قورت میداد) 

-دوست علی(کی مردم برای رفاه حال خودشان اونا-

دوزدعلی-صدا کودید)-منتظر اون لحظه حساس بو...میرزالی-

هم اونور تر -پاس کودی آدم -پادم- از داخل کوچه دوار(عبور)

 نوکونا.....؟!دزدعلی سردیگر-روده گوسفندا-بادکودی-عین

 بادکنک...؟!سردیگر روده کی -مرغ یا خروس بیچاره شکم

 درون دوبو-مثل لاستیک توییپ-گیر کوده وحسابی گره

 کور-خورده...بعد-دزدعلی-روده یا کم کم جمعا-کودی-

مرغ بیچاره یا-عین اعدامی -کی دار -زند-ازحیاط به روی

 دیوار واز روی دیوار-هم درآغوش مبارک گیفتی-؟!سر

دیگر روده یا-آزاداکوده-اونه باد-خالی بوسته--نقشه سرقت

 با موفقیت انجام-ومرغ داخل کیسه مخفی -ورهسپار -کوچه

دیگر وخانه دیگر غروب هم با کیسه پر-روانه بازار ورزق وروزی

غیر خداداده-روبراه-ونیاز به شکر گذاری از هیچ خدایی نوبو..

چیرره میرزالی -عی نفره-تعریف بوکودابو-کی دردزدی هم

باید آدم توکل به خدا-بوکونه....

*******

(قسمت دوم)

شاید باور نوکونید-تا عایا-(اینجا)هیچ ربطی به داستان راهزنی

 با لافند-ناشتی.اصل داستان بمانسته-اون درواقع -ماستان

بو-کلا" جانم شیمی ره بوگویه-کی میرزالی-با دوزدعلی

-علاقه فراوانی به لافند داشتید-وقتی ماجرای مرغ دوزدی

حسابی لو-بوشو-حتی مرغ وخروسان هم-تعلیم بیداد-کی

 هرچی از اون طرف دیوار-داخل حیاط پرتا بوهه-با وجودیکه

یک نوع غذایا-اما ممکنه -فوبوردنش(قورت دادنش) -زیاد جالب

وبصرفه نوبوها(نباشه)-خلاصه مرغان اگر خر هم بوبوهد-(باشند)

وقتی خوشانه-قوم وخویشا-دیند-کی با قورت دادن یک

سر روده-بوشایید(رفتند)جاییکی عرب نی زه---چنین خوراکی را

تحریم-کوند--کار به جایی فارستابو-(رسیده بود)بعضی مرغان

-حتی ازروده گوسفند-وهرچیزی کی شبیه اون بو وحشت زده

بوستید-مار گزیده از ریسمان سیاه وسفید ترسا----؟!

خلاصه میرزاعلی ودوزدعلی-خوشانه عقلا-روی هم بنایید

نقشه سرقتا از آبادی به جاده منتقلا کوداد...شبان وقتی هوا

کالاچ ملاچی(ابلق) بوهوسته(می شد)-لافندا-عامرا-شویید

دوطرف جاده سنگر -گی فتید-میزاعلی-عی طرف-دوزدعلی

هم اوطرف -دوسر لافندا-خوشانه-مچ دست گره -زده..؟!

لافندا ولا-کودید-کف جاده---هروقت ازدور-موتور سواری

پیدا بوسته-چندمتر بمانسته(مانده)-به اوشان--هردونفر باهم

از جا-بلندا بوستید-موتور سوار بیخبر ازهمه جا-ازکمر -یا گردن-

خورده به لافند-وازجاده منحرفا بوسته-کف جاده -خورده زمین

اون موتور-هم چپ کوده-خودش هم درب وداغانا بوسته-دوتا

دزد نامرد-اونه جیب وبارو بنه یا-خالی کودید-حتی اونه موتورا

 هم به سرقت بوردید-راکب بدبخت یا اون ترک سوار-شانس

باوردابید-زنده بمانستابید(می ماندند)-اوایل مردم وپلیس فکر

کودید-کی اوشان تصادف معمولی بوکوداعی دا(کرده اند)

وبعد از تصادف اوشانه موتور به سرقت بوشویا......؟!

چند سال از این ماجرا گذره-وماه به ماه -چند فقره اوجور

تصادف انجام گیفتی-(البته اوشان همیشه-موتورا به سرقت

نوبوردایید) -اگر موتور سوار پول وپله ایی همرا بداشتابی(داشت)

-نیازی به سرقت اونه موتور نوبو-و-دزدی اموال اوشان هم بعداز

تصادف توسط افراد یا ماشینهای عبوری-تلقی وشکایتی هم اگر صورت

 بی گیفتابه- بدون ترتیب اثر راکد مانسته-به امید روزی کی دزدی درجایی

 دستگیر بوبوهه وسرنخی بدست بایه -بعضا چون موتور سوار شانس

 باوردابو وزنده بمانستابو-برای مال ومنال شکایتی انجام نیگفته(نمی گرفت) 

اکثر مردم عادت دارد-کی درمقابل هراتفاق ناگواری خدارا شکر بوکوند

-کی بازم جای شکرش باقیه -کی بدترازین نوبوستا؟!

********

(قسمت سوم)

عی شب -میرزاعلی ودوزدعلی کی-سنگر بیگیفته ودر کمین

 بود-ازدور -عی تا تک چراغی در جاده -معلوم به-غافل از اینکی۰

هرتک چراغی ممکنه موتور نوبوها........؟۱میرزاعلی ودوست

علی با نزدیک شدن-موتور-اعلام آماده باش وبرای اجرای نقشه

قیام کوند-اما افسوس تا بفهمد-کی او تک چراغی موتور نیا

-بلکه عی تا-کامیونا-کی اونه یک طرف چراغ بوسوخته یا...؟!

کار از کار بگذشته وراننده کامیونهم -بی خبر از همه جا اون دونفرا

-چند ین کیلو متر-کف اسفالت جاده فاکشه(می کشد) وبا خودش

بوره(می برد)-ازقضا اون دونفر تا موقعی که بی هوشا نوبوستا

بود-تلاش کوند-لافندا از خوشانه مج دست بازا کوند-اما موفق

نوبوهد-(نمی شوند)خوشانه (خودشان)را نجات بدهدچون کوره

تشکه(گره کور) بوخوردابو.بازا نوبوهه-کامیون اوشانا-مثل سگ

فاکشه وبا خودش بوره تا پلیس راه-مامور -کی اونا ایست دهه

تو روشنایی متوجه -طناب وجسد متلاشی شده-بی سر ونصف کله

وخلاف ملاف-(لباسهای )-پاره وسرو دیم(سرو صورت) خراشیده-

 بوهه-راننده کامیونا -بیچاره یا بازداشت کوند-تا صوب (صبح)-هم

کاردان فنی برای کشیدن کروکی -احضار بوهه-(میشه)-با دیدن

لافندکه درمچ اون دوتا دوزد -دبسته بو...کل ماجرایا کشف کونه-

کی ماجرا ازچی قراره...وچیره دراون جاده اونقدر تصادف موتور

 سوار-طی چند ماه انجام بیگیفته یا.....؟!

پرونده میرزاعلی ودوست علی تا قیامت دبسته(بسته) به-

وشاعرفرمایش کونه کی:

دوست میرزاعلی -کی شوییدی-موتور شکار

دیدی  کامیون با اون دوتا بوکود چی کار .....؟

سنگ سفال-اوشانه سر-خاک کربلا-آمی سر

نوشته: روشن فومنی:مشهد۲۵بهمن ماه ۱۳۶

داستان گیلکی ۱ 

(کی شی مین جیر)

کی شی مین جیر(۱)

پرنده کوچک وضعیف الجثه ای است-که گیله مردان

 معتقدندحاصل تخم گذاری پاییزه بلبل یاعندلیب است-

آوازنمیخواند وبعلت ولادت بی موقع مقام ارجمند بلبل را

-ندارد-حتی ارزش کولکاپیس راهم ندارد که  حاصل

تخمگذاری تابستانی بلبل است -افرادبومی گیلان افراد

بدبخت وبی فک فامیل-را به این دو پرنده تشبیه میکنند- 

قسمت اول

شومان تاهسا(الان)-دررفتارکیشی مینجیر-مطالعه ودقت

بوکوداعید؟!(کرداه اید)عا-پرنده کوچک-اصلا"کونه(اراده)

 نیشتمان (نشستن)ناره ده!!-مدام ازعا-شاخه به اوشاخه-از

عا-بوته به اوبوته انگاراونه روده یا مرغ بدر-ببورده یا؟!

من کی نیدام اون یک لحظه آرام بیگیره-وایزه فنق بزنه

–استراحت بوکونه-اصلا ا-پرنده خستگی ناپذیره....

خدابیامرزه شیمی امواته-عی روزمن ومی آقاجان خدا-

بیامرزایوان سر نیشتابیم-آمره- کرا گب گب- زه اییم...

زواله روزتابستان وهواخیلی گرم ودم بوکوده -بو

هتو کی صحبت کودان دی بیم-عی تا کی شی مینجیر

باغ رمش(پرچین) کنار-می توجه یا-بخودش جلب بوکود

حیوان مدام از عا-شاخه به اون شاخه واز واز-کودی

طوری من بوشابوم تونخ اون کی می پیر خدابیامرز

-بفهمست-کی می حواس اصلا" به اون گبان نیا.....؟

وقتی خو کف دست مرا می دوشا فوکوفت سه بالا بجستم

-می پیر بوگوفت چیه-چیا نیگاه کونی؟!

بوگوفتام آقاجان تو تا الان دقت بوکودایی کی

–کی شی مینجیر-چیره مدام زیر رمش  وگومارابالا

وپایین جهه یا؟!واصلا" ایزه ننیشینه-تا کمی استراحت

 بوکونه؟!خدابیامرز بوگوفت-تونانی چیره؟!تره تابحال

 نوگوفتامه؟!من بوگوفتام نه بخدا-مگر ماجرا داره؟!

می آقاجان بوگوفت پس گوش بوکون تره بگم

(قسمت دوم)

-درزمان حضرت سلیمان نبی-(تنها پیامبری که زبان

حیواناتا فهمسته)-شیر بوشو پیش اون حضرت وتقاضا

 بوکود-کی مرا کمک بوکونیا تا عی تا کدخدابرای فلان

جنگل پیدا بوکونما!!حضرت سلیمانم اونه دیلا نشکنه و

بوگوفتا توبوشویا-من هروقت پیدا بوکودامه تراخبرا کونما-...

.بعدپیغمبر خدا همه پرندگانه خبر بدایا-کی برای فلان جا

 عی تا کداخدا لازیم داریمه-هرکس خوایه نامزد بوبوهه

-اعلام بوکونه؟!همه پرندگان  برای اسم نویسی اعلام

 آمادگی- بوکودانا-حتی کی شی مینجیر-دست برقضا

–کی شی مینجیر بیشترین رایا- باوردا-چیره؟!چون-

برخلاف آدمان کی به افراد گردن کلفت وقوی بنیه

 مالی-وسرشناس رای دهد-تازه اگر سهوا"

عی تا ضعیف انتخاب بوبوهه-به زور شایعات

وتبلیغات کذایی اونا-گردن کلفت وظالم چاکوند-تا

بخودشان زوربوگویه-ازاون یک ببر کاغذی سازد؟!

حیوانات برعکس عی تا ضعیفا انتخاب کوند تا بتاند

 به اون زور بگوید وازون حق -حساب فاگیرد

-مثل اینکی گوید-دنیا بدین چی ببه یا-پیشی نقاره

چی ببه یا؟!(درآن زمان بخاطر همین موضوع

 کی شی مین جیر بیشترین رای باورد -حضرت

 سلیمان بیدی-یا-اونه جثه اصلا برای اون کار

 مناسب نیا-از طرفی نخواستیا

-کی شی مینجیرا دیلا بشکنا-و یهو از بیخ اونا

جواب بوکونا-بوگوفتا-اگر تو بیشی یا-عی تا چوب

 خشک پیدا بوکونی یا-مره باوری یا-کی نه راست

ببه-نه کج!!

بعدترا رسما" به عنوان کدخدا معرفی کونما..

.کی شی مینجیر-الان دوهزار سالا کی رمشان وگوماران

زیر گردهه یا-دنباله چنین چوبی!!وهنوز کی هنوزا

پیدا نوکوده یا-ومدام تلاش کونا کی بیافه؟درحالی که

چنین چوب خشکی وجودناره-!بوگوفتام-پیر جان

 اموضوع افسانه یه-مگر حضرت سلیمان مردم آزار

 بو-؟!یا انقدر بیکار بو کی عی تا پرنده ضعیفا-

سرکار بنه-اونم چی دوهزار سال؟!

البته خیلی من واون خنده بوکودیم-بوگوفت زاک جان

 تقصیر من چیه؟! منم بیشناوسمه ده-شنونده باید

عاقل ببه---تا شی می-نظر چی ببه؟!

داستان نیاز به ویرایش دارد

***************