قلعه رودخان-وزنده یاد:استادشیون فومنی(روشن فومنی)
قلعه رودخان (گیلان)
یاداستاد شیون فومنی-گرامی باد
شیونٍ شعرمثه آبه قلعه روخانه
لپه هف دغنان..وقته سیله وارانه
گیلکی لهچه رمق تازه بی گیفت از"شیون"
اون مسیحا نفس ....شعر گیله اوخانه
گیله مردانه واسی غش کودی "شیون" بعلی
چون تمام سخنش درده گیله مردانه
اهل گیلانه ره چون مولوی یه- درمنبر
هیچ اکابر نوشاعی-مثنوی از برخوانه
****************************
گهی ماشا -اوسانه -ییش پته کایا*-جهانه
یورقه اسبا-گهی تا نذری آقا دارفورانه
امرو آق معلم زاک وزوکانا-فردا-ولی
شیون جا چی واسی-سرجاکشه زندانه؟
ایزه گوفته -می سبیل مرده براقوشا- بیا
ایزه درخوف ورجا بیدل وسرگردانه
دسکلا شیب زعن وهوکودانا-کاری- ناره
دایما" درطلب خوشرف وعرفانه
ازطبیعت تافیزیک-ورزش تا کاشت وکاری
درهمه حال وهوا-کوک شده ومیزانه
چون نخواستی کره قوقو واسی چهچه بزنه
آمی بولبوله -اگر کولکاپیسه تهرانه؟!
پاجه فومن -ننه بیرون -ولی عالمگیره
آدرس "روشنا"درملک خراستان نانه؟!
**********************************************************
۸۸۸۸۸۸۸۸۸۸۸۸۸۸۸۸۸۸۸۸۸۸۸۸
(وروره واران شومه ره)
۸۸۸۸۸۸۸۸۸۸۸۸۸۸۸۸۸۸۸
================
عادور-دوره ازبکه- یا عهدعثمان؟!
گوی یهودوارمنی تی مسلک ٍتان
رحم ومروت قحطیه-ظلم وستم پور
تاتار-وچنگیز گبه ...دور-مغولان
تی پشت بام خانه یا-فاندر-ایزه مرد!!
نصفش بهاره -نیمه دیگر زمستان
مرده لاغاجی-گردنیم-گردن تی شین دار
جان شومان شیرین! -آمی جانه بادمجان!!
باهم فاگیفتیم وجی گیفتیم- آن دوخال چو
عی سکت- بزیم باهم ولی-تی ملکٍ- آلان
ور وره-وارانه شومه ره-ویشتا بومردیم
کهنه چوخا-ناریم چمیش-الش واگردان
هرچی کنی-بوکن ولی--بیچاره گله
ماچه سگه گب گبه یو- شاغال ومرغان
کوفتا بوخوری تو هاچین-بی من وموردیم
خوایه بوعان تی جانره .درد بی درمان
های تو مره نیم ایزگری"فاندر وجیندر
تی دونه گوش آخرچیره--یی سه -آویزان؟!
تی رو بنازم عینه سنگه پای قزوین-
صابون بخورده تی شکم-مانند قزغان
ارث پدر-باتو شریکه آدمیزاد
شهری -دهاتی درشمار-ارث خواران
تو سهم مردانه بوری با دارو دسته
تی رعیتانه فاندهی -ارث زناکان
فصل زمستان ردابه-عا-روسیاهی
سیه زغاله ره مانه-بوهی پشیمان؟!
تی پیر ومار-خو کعبه یا-ده بار بزا دور
موردیم همه-درناجه - قم وخراستان
برکت بوگوده تی دروغ-سوروغ..بوبوسته
تی امروز وفردا-بوکوشته می براران
جودگی-اوکوفته مرا- آوانگاره-شر
آخرپسی به"روشنه"..گیلکی شعران =======================================
(ویریسید آی گیله مردان)
***********************************
ويريسيد گیله مردان ازدحامه
شاهال دور وبر باغه كتامه
عي لنگي پادشاه وقته -بجنبيد
بنام نه؟گب نيه-بازي تمامه
************************
شومه ره تنگ و تاریکه؟ قبوله
آلوخ کیجکایه-نزدیکه؟ قبوله
اگرپور زور-یی سه دشبنده-سمبه
ولي تیر مشقی و پوکه قبوله!
************************
========================
آمان لازیم داریم -چند تا دساگول
چی از حاجي رجب چي ازکاساگول
کی با داس برجینیم شالان لنگا-
-آمی مرغ وخروسانه بزه گول !
=====================
کشیم سمبه -آمی کهنه تفنگا
گمان نوکونه كفتالم زرنگا-
عی سیم نواده میرزا کوچیک خان
-آمی جنگل باغان-جست پلنگا
*********************
ببیم آتش دكفيم توي پنبه
نوکون هي امروزا-شنبه -دوشنبه
درنگه جا نیه- دونه چومانه
بنيم نيم ايزگيري لنگه بلنگه؟
====================
+
نوشته شده در سه شنبه سیزدهم اسفند 1387ساعت 1:21 توسط روشن فومنی(طرح تصاویر:زنده یادگلشید)
|
کاش هرگز درمحبت شک نوبو(روشن فومنی)
دوستان وکاربران عزيزگیلک
هم زوانان نازنین..وبلاگ نويسان گيلاني...روز۲۱ فوريه-ياروز
سوم اسفندخودمان "روزوان مادري"هم ردابوست...وجمعي ازآمان
دورهم جوما-بوستيم درانجمن وبلاگ نويسان گيلاني بمديريت
"آقاي بهمن رهنما..."كي زحمات زيادي براي همدلي آمان بكيشه
مقالاتي بي ني ويشتيم..نهايتاراي گيري بعمل باموچندتا
وبلاگ به عنوان برنده اعلام بوبوست..
*****************
كشكول گيلكي"يعني مي وبلاگ هم جز برندگان ونفردوم اعلام
بوبو ست با۱۲راي.....باوجوديكه بنده اعلام انصراف بوگودابوم-وعي تا
ازكاربران بعنوان دوستي با بقيه وبلاگان--وبعبارتي درمقام تعريف از
كشكول صراحتا" اعلام بوگودابو-به كشكول راي نوادهانيدا(ندهيد)
كه دراون دوستي صميمانه كه خيلي شبيه دوستي خاله خرسه بو
به يك تيرچندنشان بزا!!.هم مي غيضا كاربران ديل درون تل انبار بوگود
هم كشكولا ازحركت و ادامه پيشروي مانع بوبوست-كشكول بعداز
۲سال تلاش.مستمرانصافا" واسي۵۰تا راي هم ويشتر باوردابي
بعضي دوستان نازنين دانيدي كي من با چي بدبختي و فلاكتي
كشكولا سرپابداشتاما-خداشاهيده كي من ازخواب و خوراكم بزام
باوجودمشغله فراوان..شب و نيمه شب و وقت و بيوقت..پست
جديد به روز بوگودام..وبلاگهاي ديگر اگر برنده بوبوستاد..فقط يك
پست گيلكي داشتيدآنهم فقط بمناسبت "روز زوان مادري"اماوبلاگايي
مثل "كشكول و گيلكان امروز"بلسبنه"ترمه" وازاون قبيل ازپايه تماما
"گيلكي ودرباره گيلان وگيلاني مطلب بي نويشتاييدهيچ هدفي غيراز
احياي زبان مادري ناشتيدامان موقعي بزوان مادري پست نويشتيمه
-كه وبلاگاي ديگرگيلاني بودن خودشانا-عار و ننگ دانستيد......؟!
گرچي.بازهم عده ايي ازكاربران فهيم نه مي استعفايا--اهميتي بدان
نه به حرف اون كاربر...حسودوكم خرد و سبك عقل...خوشان راي يا--
بازهم تك وتوكي به كشكول بداد..وازباخت كشكول يا بعبارتي ديگر
ازمرگ كشكول گيلكي"جلوگيري بوگوداد...ومن ضمن تشكر وتقدير
فراوان ازاوشان -وبوسيدن دست وپنجه هاي مهربان وفهيمي
كه به كشكول راي بداد-به كوري چوم دشمنان و به افتخار دوستان
بازهم ني ويسم
خدايارو نگهدارشومان--بااحترام
روشن فومني
=================
(کاش هرگزغم نوبو)
==================
کاش هرگز درمحبت شک نوبو
جفت عاشق هيچ زماني-تک نوبو
چون من وتو -يار-در عالم نوبو
ازسراحساس مویی کم نوبو
درمحبت کاش بوي یاس بیم
جلوه ايي ازسوسويي الماس بيم
دركناردوست عينه سایه بیم
با تاتاكي يم گوله همسایه بیم
مثل سیمرغ وحریم قاف بیم
عاشق بي حيله وديل صاف بیم
ديل پريشانم بني آدم نوبو
هيچ طلايي مو گوله باگدم نوبو
غارت طوفان و تاراج اجل
فاندايي زانوي ماتم دربغل
آسمان درفکروذکر باج نوبو
ولگ وباري معرض تاراج نوبو
بولبوله خوش لهجه دايم درنوا
باغ سرسبزازبهاري..ديل گشا
كاش هرگز-موسم پاييز نوبو
خنجرظلم ستمگر-تيز نوبو
لالماني داشتبي شيپورجنگ
تيرجنگاوربخوردابي به سنگ
منظر چوم عشق تا افاق-بو
سينه قدرت پراز-ارفاق بو
عبرت ازتاريخ بو-درپيش رو
ثبت تقويمان تماما"عشق بو
+
نوشته شده در شنبه سوم اسفند 1387ساعت 5:49 توسط روشن فومنی(طرح تصاویر:زنده یادگلشید)
|
| 
